सर्वप्रथम मैदा, साखर,दही,बेकिंग पावडर, बेकिंग सोडा, तेल, मीठ मिक्स करून घ्या.

नंतर त्यामध्ये लागेल तसं पाणी मिक्स करा आणि मऊसूत पीठ मळून घ्या. एका प्लास्टिक बॅग मध्ये किंवा ओल्या कपड्याने मळलेले पीठ अर्धा ते एक तास झाकून ठेवा.

अर्धा किंवा एक तासाने मैद्याचे पीठ थोडे फुललेले असेल. तयार पिठाचा एक गोळा घ्या. पिठाचा गोळा ओवल शेपमध्ये थोडासा जाडसर लाटून घ्या.

नंतर त्यावर चिरलेली कोथिंबीर आणि कलौंजी घाला आणि पुन्हा रोटीवर लाटणे फिरवून घ्या. म्हणजे कोथिंबीर आणि कलोंजी रोटीला चिकटेल.

आता रोटी हाताने अलगद उचलून उलटी करा तिच्या मागच्या बाजूला पाणी लावून घ्या. गॅसवर तवा गरम करून घ्या आणि रोटीची पाणी लावलेली बाजू तव्यावर ठेवा. मध्यम आचेवर रोटी शेकवून घ्या. नंतर तवा उलटा करा आणि तवा गॅस च्या फ्लेम वर थोड्या अंतरावर फिरवत रोटीची दुसरी बाजू ही शेकवून घ्या.

दुसरी बाजू ही शेकली कि तवा सरळ करा.आणि रोटीच्या वरच्या बाजूला बटर लावून घ्या.

गरमागरम तंदुरी रोटी कोणत्याही ग्रेव्ही च्या भाजीबरोबर सर्व्ह करा.