સૌપ્રથમ બટાકા, વટાણા, ફ્લાવર, ગાજર કેપ્સિકમ અને બીટ ને સમારી નેકુકરમાં ત્રણ સિટીથી બાફી લેવા.

ટામેટાં ડુંગળી અને લસણની મિક્સરમાં પેસ્ટ બનાવવી.

હવે 2 ચમચી જેટલું તેલ અને ૧ ચમચી જેટલું બટર મૂકી ને જીરાથી વઘાર કરવો.

હવે તેમા ટામેટાની પેસ્ટ ઉમેરવી. પાંચ થી સાત મિનિટ માટે એટલે કે તેલ છૂટું પડે ત્યાં સુધી ટામેટાની પેસ્ટ ને થવા દેવી.

હવે તેમા 1/2 ગ્લાસ જેટલું પાણી ઉમેરીને સ્વાદ મુજબ મીઠું, 1 ચમચી મરચું, 1/2 ચમચી હળદર, 1 ચમચી ધાણાજીરું, 1 થી 2 ચમચી જેટલો પાવભાજીનો મસાલો ઉમેરો.

હવે કુકરમાં બાફેલા શાકને. બરાબર રીતે છૂંદી નાખો.

હવે છૂંદેલા શાકને ગ્રેવી ની અંદર ઉમેરવું. 1/2 ગ્લાસ જેટલું પાણી ઉમેરો.

અને હવે ઢાંકીને પાંચ થી સાત મિનિટ માટે ભાજી ને ઉકળવા દેવી.

હવે તેમા બટર 1 લીંબુનો રસ અને કોથમીર ઉમેરો.

પાવને વચ્ચેથી કટ કરીને બટરમાં શેકીને ભાજી સાથે સર્વ કરો.

3 ચમચી બટર અને એમા 1 ચમચી જેટલો પાવભાજી નો મસાલો એડ કરી એ બટર થી પાવ શેકવાથી પાઉ રેસ્ટોરન્ટ જેવા જ લાગે છે.

પાવભાજી મા બીટ મેળવવાથી તેનો કલર મસ્ત આવે છે અને એમા બીજા ફુડ કલર ઉમેરવા ની જરૂર પડતી નથી.