भात
गॅसवर भांड्यात पाणी ओता.त्यांत तूप व मीठ टाका.पाणी उकळू लागल्यावर, त्यांत तांदूळ टाका व तो ढवळून, मिडीयम गॅस फ्लेमवर झाकण झाकून, भात शिजण्यास ठेवा. 10 -12 मिनिटानंतर, साधारणतः भात होत आल्यावर, त्यातील पाणी (पेज) एका भांड्यात वेळून काढा. पुन्हा भाताच्या भांड्यावर, झाकण झाकून, तो मंद आचेवर वाफण्यास ठेवा. 5 - 10 मिनिटांनी गॅस बंद करा व तो भात वाफेने शिजू द्या.

सार ::
1कप पाणी गरम करून,त्यांत चिंच व गूळ भिजत टाका. 10 -15 मिनिटांनी, तो कुस्करून त्याचा कोळ तयार करा. तो कोळ गाळून, वेळून काढलेल्या पेजेत ओता व छान मिक्स करा. शिजलेली डाळ घोटून तयार करा.
गॅसवर भांड्यात तुपाची फोडणी करा. त्यांत हिंग, मोहरी, जीरे टाका. ते तडतडल्यानंतर, त्यांत मेथ्या,कडीपत्ता, लाल मिरची व हळद टाकून खमंग फोडणी करा. त्यांत पेजेचे मिश्रण ओता.घोटलेलं वरण त्यांत टाका.वरून चिमूटभर तिखट, चवीनुसार मीठ टाका व हे सार 5 - 10 मिनिटे छान उकळू द्या. सार तयार.

गरमागरम पौष्टिक सार तयार.. ते सर्व्ह करताना वरून कोथिंबीर घाला व गरम भाता वर साजूक तूपाची धार सोडून त्याच्या बरोबर सार वाढा.,
न्यारीच लज्जत लुटा.