முதல் நாள் இரவே காய்ந்த பச்சை பட்டாணி அல்லது வெள்ளை பட்டாணியை ஊற வைத்துக் கொள்ளவும்.(மாலையில் தான் செய்யப்) மறு நாள் மாலையில் ஊற வைத்த பட்டாணியை மீண்டும் ஒருமுறை கழுவி விட்டு அதனுடன் இரண்டு மீடியம் சைஸ் உருளைக்கிழங்கு சேர்த்து மஞ்சள் தூள் கொஞ்சம் உப்பு சேர்த்து எட்டு சவுண்ட் விட்டு வேக வைத்துக் கொள்ளவும். தண்ணீர் வடித்து எடுத்து வைத்துக் கொள்ளவும்.இப்போது வெங்காயம் தக்காளி பச்சை மிளகாய் இஞ்சி பூண்டு இவற்றை நறுக்கி வைத்துக் கொள்ளவும். பீட்ரூட்டை பொடியாக நறுக்கி குக்கரில் வேக வைக்கவும்.

நறுக்கி வைத்தவெங்காயம்+ மற்றவற்றை சோம்பு கிராம்பு பட்டை புதினா தலை சேர்து மிக்ஸியில் நைசாக அரைத்துக் கொள்ளவும். இப்போது அடி கனமான வாணலியில் ஒரு டேபிள் ஸ்பூன் எண்ணெய் சேர்த்து அரைத்த விழுதை சேர்த்து பச்சை வாசம் போக நன்கு சுண்ட வதக்கிக் கொள்ளவும். நன்கு வதங்கிய பிறகு இதில் மிளகாய் தூள் சாம்பார் தூள் மஞ்சள் தூள் உப்பு தனியாத்தூள் சீரகத்தூள் மற்றும் மஞ்சள் தூள் கரம் மசாலா தூள் சேர்த்து பச்சை வாசம் போக நன்கு வதக்கவும்.

பட்டாணி தண்ணீரை வதக்கிய விழுதில் சேர்த்து திறந்து வைத்து குறைந்தது பத்து நிமிடம் கொதிக்க விடவும். மிதமான தீயில் கொதிக்க விடவும். வேக வைத்த பீட்ரூட்டை மிக்ஸியில் போட்டு நைசாக அரைத்துக் கொள்ளவும். உருளைக்கிழங்கை தோல் உரித்து நன்றாக மசித்து கொள்ளவும். பட்டாணியை நன்றாக மசித்து கொள்ளவும். முழு பட்டாணி கொஞ்சம் தனியாக எடுத்து வைத்துக் கொள்ளவும். பத்து நிமிடம் கொதித்த மசாலா கலவையில் பட்டாணி உருளைக்கிழங்கு மற்றும் முழு பட்டாணி பீட்ரூட் விழுது சேர்த்து நன்கு கலந்து விடவும்.