સૌપ્રથમ પાપડીને છોલી લેવી. પાપડી નો ખાલી ઉપર અને નીચેનો ભાગ જ કાઢવો આખી છોડવી નહીં પાલક ને સમારી લેવી, મેથી સમારી લેવી, કોથમીર સમારી લેવી, ને લીલું લસણ હોય તો તે પણ સમાવી લેવું પછી ઘઉં નો લોટ ૩ મિનિટ ધીમા ગેસ પર તેલ વગર સેકિલેવો ને બાજુ પર મૂકવો,

હવે આપણે ગેસ પર કડાઈ મૂકી તેમાં તેલ મૂકવું તેમાં અજમો નાખો ત્યારબાદ પાપડી નાખવી પછી તેમાં ૪ ગ્લાસ પાણી ઉમેરવું અને હવે તેમાં મસાલો કરવો લીલું મરચું મીઠું હળદર ધીમા ગેસે પાપડીને ચડવા દેવી થોડા થોડા ટાઈમે હલાવતા રહેવું ધીમા ગેસે 30 મિનિટ પાણી ઉકળે ત્યાં સુધી થવા દેવું,

હવે શેકેલા ઘઉંના લોટમાં પાલક, મેથી, કોથમીર,લીલું લસણ, લીલા મરચાની પેસ્ટ, આદુની પેસ્ટ, મીઠું ઉમેરી બધું મિક્સ કરી લેવું હવે તેલ નું મોળ મૂકી જરૂર મુજબ થોડું થોડું પાણી ઉમેરી તેના નાના નાના મુઠીયા વાળી લેવા,

હવે આપણે પાપડી વઘારેલું પાણી ઉકળવા માંડ્યું હશે તેમાં એક એક કરીને મુઠીયા મૂકી દેવા અને વધેલા લોટને પાણીમાં ઉમેરી દેવો વચ્ચે વચ્ચે હલાવતા રહેવું પછી ઢાંકણ ઢાંકીને 20 મિનિટ થવા દેવું મુઠીયા ચડી જાય ને રસો જાડો થઈ જાય એટલે ગેસ બંધ કરી દો

તો તૈયાર છે પાપડીમાં મુઠીયા ગરમ ગરમ સર્વ કરવા માટે.