સૌ પ્રથમ થાળી ને તેલ લગાવી વાસણમાં પાણી ભરી તપવા મુકી દો.
એક કપ પાણીમાં ચણા નો લોટ સમાય એટલો નાખવો, ભજીયા ના ખીરા જેવું રાખવું, એક ચમચી લીંબુના ફુલ, મીઠું સ્વાદાનુસાર, અને ત્રણ ચમચી ખાંડ નાખીને બરાબર હલાવી લો.

પછી એક ચમચી ખાવાનો સોડા નાખીને બરાબર હલાવવું, આથો આવે એટલે તરત જ ગરમ કરેલી થાળી માં રેડી દેવું. 10-15 મીનીટ માં થઇ જશે.
ચપ્પુ ખોસી જોવું. ચોંટે ના એટલે થઈ ગયું. કાપા પાડી લેવા. એક બાજુ તેલ, રાઈ, હિંગ, લીમડો,લીલા મરચાં નો વઘાર કરવો.

વઘાર સહેજ ઠન્ડો પડે એટલે (ગરમ વઘાર માં પાણી રેડવાથી ઊભરાઈ ને ભડકો થાય)એમાં એક ગ્લાસ પાણી, પાંચ ચમચી ખાંડ, ચપટી લીંબુ નાં ફુલ અને ચપટી મીઠું નાખીને બે ઉભરા આવે એટલે બન્ધ કરીને તરત જ કાપા પાડેલા ખમણ ઉપર રેડી દેવું પછી થાળી ઢાંકીને 15 મીનીટ રહેવા દેવું.