એક વાટકી માં થોડું દૂધ લઈ કેસરના તાંતણાને પલાળો. હવે એક કડાઈમાં ૫૦૦ મિલી દૂધને ધીમા તાપે ઉકાળો. ત્રણથી ચાર ઉભરા આવે એટલે તેના પર મલાઈ જામશે. આ મલાઈ ને કઢાઈ ની ફરતે લગાવી દો. હવે ફરીથી ઉકળતા દૂધ ઉપર મલાઈ તરતી દેખાય એટલે ફરીથી કઢાઈ ની ફરતે લગાવી દો.

આવી રીતે જ્યારે પણ દૂધ પર મલાઈ તરતી આવે એટલે કઢાઈ ની ફરતે લચ્છા બનાવતા રહો. જ્યાં સુધી કઢાઈમાં રહેલું દૂધ ઘટ્ટ ના થાય ત્યાં સુધી આ પ્રક્રિયા ચાલુ રાખવી. હવે બાકી રહેલા દૂધમાં ખાંડ નાખી દૂધને બરાબર હલાવવું.

હવે કેસર પલાળેલું દૂધ કઢાઈમાં ઉમેરીને બરાબર હલાવતા રહો. દૂધ નો કલર પીળા રંગનો થશે. ત્યારબાદ કઢાઈ ની ફરતે બનાવેલા લચ્છા હળવેથી ઉખાડીને કેસરવાળા દૂધમાં મૂકો.

લચ્છા રબડી માં ઈલાયચીનો પાવડર નાખી ધીમે ધીમેથી હલાવો. એક સર્વિંગ બાઉલમાં લચ્છા રબડી ને લઈને તેની ફરતે બદામની કતરણ થી ગાર્નીશ કરો. ટેસ્ટી અને કેસરથી સુગંધીદાર કેસર લચ્છા રબડી ખાવા માટે તૈયાર છે. આ રબડી ને માલપુવા કે જલેબી સાથે ખાવાની મજા આવે છે.