સૌપ્રથમ એક વાટકી ચણાનો લોટ લઈ લઈએ. ત્યારબાદ ૧/૨ વાટકી પાણી લઈ લેવું. હવે પાણી ધીમે ધીમે નાખીને ઘોળ તૈયાર કરતાં જવું.

હવે તેમાં એક ચમચી તેલ નાખીને સારી રીતે મિક્સ કરી લેવું. હવે આ મિશ્રણને થોડીવાર માટે સાઈડમાં રાખી દેવો. બીજી બાજુ એક પેનમાં ૧ વાટકી ખાંડ લઇને તેમાં ૩/૪ કપ પાણી નાખીને ગેસ પર મૂકવું

ચાસણી થોડી મેલી દેખાય તો તેમાં એક ચમચી દૂધ ઉમેરવું. દૂધ ઉમેરવાથી બધો મેલ ઉપર તરી જશે તે ચમચાની મદદથી કાઢી લેવો.

ચાસણી એક તાર થી થોડી ઓછી રાખવાની છે. હવે તેમાં અડધી ચમચી યલો ફૂડ કલર નાખી દેવો. અને અડધી ચમચી ઈલાયચી પાવડર પણ નાખી દેવો. આપણી ચાસણી તૈયાર છે.

હવે બેટર માં એક પીચ સોડા નાખી સારી રીતે મિક્સ કરી લો. ત્યારબાદ એક કાણાંવાળા ચમચામાં બુંદી નું બેટર નાખો. બેટર થોડું થોડું જ નાખવું નહીંતર બુંદી ગોળ બનશે નહીં.

બુંદી ફટાફટ બની જાય છે તો હવે તેને ઉતારી લેવી. ત્યારબાદ તેને ચાસણીમાં નાખી દેવી. ચાસણીમાં નાખીને ૧/૨ કલાક માટે રહેવા દેવી, વચ્ચે વચ્ચે હલાવતા રહેવું જેથી બધી બુંદી માં એક સરખી રીતે ચાસણી ચડી જાય.