بماكينة طحن اللحمة, نحط اللحمة, الفلفل الاخضر او الاحمر, البندورة, البصل, بقدونس, بصل, البهارات, الملح و الفلفل. نطحنهم مع بعض حتى يتجانسو.

نجيب الخلطة, نحط فوقها بيضة, طحين و بقسماط. ولو منتركا بالبراد شي نص ساعة, رح يكون اسهل الشغل فيها.

ندعكها بالايدين شوي, منبلش نعملها دوائر صغيرة.

عنا تلت خيارات, اما نشوح كرات اللحمة بشوية زيت على النار لتاخد لون خفيف وتتماسك, أو منحطها بماء مغلي نسلقها لمدة دقيقة واحدة فقط, أو منحطا فورا في الصوص الاحمر.

انا شوحتا شوي بالزيت وكنت محضرة الصلصة بتغلي على النار. حطيت كرات اللحمة فيها وشوحت بصل بنفس الزيت اللي شوحت فيه اللحمة, حتى ذبل واخد لون خفيف وحطيتو فوق الصوص.

حطينا مكعبين الماجي فوق الصوص وتركناه يغلي على النار, من ربع إلى تلت ساعة. تقدم مع أرز بالشعيرية وشوربة عدس.