ஒரு பாத்திரத்தில் ஒரு லிட்டர் தண்ணீருடன் 3/4 ஸ்பூன் உப்பு சேர்த்து கலக்கி கொள்ளவும். அதில் தினை சேமியாவை 2 நிமிடம் ஊற வைத்து இட்லிதட்டில் 8 நிமிடம் ஆவியில் வேக வைத்து எடுக்கவும். சேமியாவை உதிரிஉதிரியாக உதிர்த்து வைக்கவும்.

வெங்காயம், தக்காளியை மெல்லியதாகவும், இஞ்சி, முந்திரியை சிறு துண்டுகளாகவும் நறுக்கி கொள்ளவும்.

பானில் எண்ணெய் விட்டு சூடானதும் கடுகு, வரமிளகாய், உளுத்தம்பருப்பு சேர்த்து தாளிக்கவும். பின்னர் வெங்காயம், தக்காளி, கறிவேப்பிலை சேர்த்து வதக்கவும். 1/4 ஸ்பூன் உப்பு சேர்க்கவும்.

வெங்காயம் வதங்கியதும் முந்திரி, இஞ்சி துண்டுகள் சேர்த்து வதக்கவும்.

தூள் வகைகள் சேர்த்து கலந்து விடவும். பின்னர் வேக வைத்த தினை சேமியாவை சேர்த்து நன்கு பிரட்டி விடவும்.

கடைசியாக தேங்காய் துருவல், புதினா சேர்த்து கலந்து விட்டு சூடாக பரிமாறவும்.