સૌ પ્રથમ બટાકા ની છાલ ઉતારી લો પછી એને એક મોટી છીણ પડે એવી છીણી થી છીણી લો. હવે બધીછીણ ને ૪ વાર પાણી બદલી ને ખુબજ સારી રીતે ધોઈ લો. હવે નિતારી ને એક કપડાં પર પાથરી એકદમ કોરી કરી લો.

છીણ એકદમ કોરી થાય એટલે એક પેન માં તેલ ગરમ કરવા મૂકો. તેલ એકદમ ગરમ થાય એટલે ગેસ ધીમો કરી થોડી છીણ નાખો ઉભરો જેવો આવશે. એ ઉભરો બેસી જાય અને કતરણ ઉપર આવે ત્યારે જ એમાં ચલેથી કે ઝારો વડે ફેરવો. થવા દો. ઝારો મારતા અવાજ આવશે એટલે ખબર પડે કે ક્રિસ્પી થય ગય છે. બસ ત્યારે જ બહાર કાઢી ટિસ્યુ પેપર પર મૂકો. બધી આજ રીતે તળી લો.

હવે શીંગ દાણા પણ તળી લો. પછી ગેસ બંધ કરી લીમડા ના પાન તેલ માં નાખી તરત કાઢી લ્યો. હવે એક ડીશ માં બધું લય એમાં ખાંડ અને મ રી પાવડર નાખી બરાબર મિક્સ કરી લો. તમે કાજુ કે દ્રાક્ષ પણ ઉમેરી શકો છો. બસ તો હવે સર્વ કરો. આ ચેવડો બનાવી ને રાખી પણ શકાય.