முதலில் கேரட்டை நன்கு கழுவி தோல் சீவி துருவிக்கொள்ளவும். நாலு கப் அளவிற்கு எடுத்து வைத்துக் கொள்ளவும். காய்ச்சி ஆறவைத்த பால் ஒரு கப் அளவுக்கு எடுத்துக் கொள்ளவும். பால் பவுடர் அரை கப் எடுத்துக் கொள்ளவும்.4 ஏலக்காய் நுணுக்கி எடுத்து வைத்துக் கொள்ளவும். ஏழெட்டு பாதாம் பருப்புகளை சன்னமாக நறுக்கி கொள்ளவும்.

முதலில் ஒரு பெரிய வாணலியில் ரெண்டு ஸ்பூன் நெய் சேர்த்து சூடுபடுத்தவும். துருவிய நாலு கப் கேரட்டை சேர்த்து ஐந்து நிமிடம் லேசாக நிறம் மாறும் வரை அல்லது பச்சை வாசம் போகும் வரை வதக்கிக் கொள்ளவும். பிறகு ஒரு கப் பாலை அதில் சேர்க்கவும். பால் நன்கு சுண்டும் வரை நன்கு கிளறிக் கொண்டே இருக்கவும். பால் சுண்டிய பிறகு அதில் அரை கப் சர்க்கரையை சேர்க்கவும். மிதமான தீயில் கிளற வேண்டும்.

சர்க்கரை நன்கு கரைந்து மீண்டும் கேரட் கலவை கெட்டியாகும் வரை கிளறிக் கொண்டிருக்கவும். கெட்டியானவுடன் அரை கப் பால் பவுடரை சேர்த்து கட்டி பிடிக்காமல் நன்கு கிளறிக் கொண்டே இருக்கவும். மிதமான தீயில் செய்யவும்.

வாணலியில் ஒட்டாமல் திரண்டு வரும்போது ஏலக்காய் தூளை சேர்த்து நன்கு கலந்து விட்டு அடுப்பை நிறுத்தி விடவும்.

பிறகு ஒரு தட்டில் பட்டர் பேப்பரை போட்டு பர்பி கலவையை அதில் எடுத்து போட்டு நன்கு நிரவி விடவும். சன்னமாக அரிந்து வைத்த பாதாம் பருப்பை பர்பி மேல் தூவி விட்டு ஒரு கரண்டியால் அதை நன்கு அழுத்தி விடவும்.

அரைமணி நேரத்திற்கு மேல் நன்கு ஆறவிடவும். நன்கு ஆறிய பின் வேறு ஒரு தட்டில் கவிழ்து விட்டு மெதுவாக எடுக்கவும். மீண்டும் மேல்புரமாக திருப்பிவிட்டு கத்தி கொண்டு சரியான அளவுகளில் துண்டுகளாக வெட்டிக் கொள்ளவும். சுவையான கேரட் பர்ஃபி ரெடி.