அவலை கழுவி 5 நிமிடம் ஊற வைத்து தண்ணீர் வடித்து கொள்ளவும். கேரட்டை துருவி எடுத்து வைத்துக் கொள்ளவும்.வாணலியில் நெய் சேர்த்து அதில் வெல்லம் சேர்த்து கரைந்ததும் துருவிய கேரட்,தேங்காய் துருவல் சேர்த்து நன்றாக கிளறி இறுதியில் ஊறவைத்த அவல் மற்றும் ஏலக்காய் தூள் சேர்த்து நன்றாக கிளறி வைத்துக் கொள்ளவும்.

பச்சரிசி மாவை லேசாக வறுத்து எடுத்துக் கொள்ளவும். பின் அதனுடன் 2 கப் சுடு தண்ணீர் சேர்த்து உப்பு சேர்த்து நன்றாக சப்பாத்தி மாவு பதத்திற்கு பிசறிக் கொள்ளவும்.

வாழை இலையை சிறிய துண்டுகளாக நறுக்கி அதனை தணலில் வாட்டி கொள்ளவும். பின் அதில் நெய் தடவி பிசைந்த மாவை சிறிய உருண்டைகளாக எடுத்து அதனை தட்டி நடுவில் கேரட் பூரணத்தை வைத்து இலையை படத்தில் காட்டியுள்ளவாறு மடிக்கவும்.

இதே போல் அனைத்து மாவையும் பூரணத்தை வைத்து வாழை இலையில் மடித்து எடுத்துக் கொள்ளவும்.மடித்த இலைகளை இட்லி பாத்திரத்தில் வைத்து ஆவியில் பத்து நிமிடம் வேக விடவும்.