அரிசியைவிட Quinoa வில் அதிக புரத சத்து உள்ளதால் வாரம் 2 முறை எடுத்துக் கொள்வது சிறந்தது.

Quinoa வை ஜல்லடை உபயோகித்து அலம்பிக் கொள்ளவும். 1 கப் quinoa வில் 2.5 கப் தண்ணீர் சேர்த்து கடாயில் வேகவைக்கவும். தண்ணீர் கொதி வரும் பொழுது மூடி வைத்து வேக வைக்கவும். பத்து நிமிடத்தில் உதிரியாக தண்ணீர் வற்றி நன்கு வெந்து விடும்.

கடாயில் எண்ணெய் சேர்த்து கடுகு,உளுத்தம்பருப்பு, பச்சை மிளகாய், கறிவேப்பிலை தாளித்து அதில் பொடியாக நறுக்கிய வெங்காயம் மற்றும் இஞ்சி பூண்டு விழுது சேர்த்து வதக்கவும். பின்பு அதில் தக்காளி,கேரட்,பீன்ஸ் & பச்சைப் பட்டாணி இவை அனைத்தையும் சேர்த்து வதக்கி, தேவைக்கேற்ப உப்பு, கரம் மசாலா, மஞ்சள்தூள் சேர்த்து மூடி வைத்து வேக வைத்துக் கொள்ளவும்.

Quinoa வை வதக்கிய காய்கறிகளுடன் சேர்த்து நன்கு வதக்கி அடி பிடிக்காமல் 5 நிமிடம் மூடிவைத்து வேகவைத்து எடுக்கவும். கொத்தமல்லி இலை தூவி பரிமாறவும்.