கருவாட்டை நன்கு சுத்தம் செய்து எடுத்து கொள்ளவும். தக்காளியை விழுதாக அரைத்துக் கொள்ளவும். தேங்காய்யை மட்டும் முதலில் நைசாக அரைத்து கொண்டு கடைசியில் அதனுடன் மிளகு, சீரகம், பூண்டு சேர்த்து கொர கொரப்பாக அரைத்து கொள்ளவும்.

ஒரு கடாயில் சிறிது நலெண்ணெய் ஊற்றி சூடானதும் அதில் வெந்தயம், சீரகம், கருவேப்பிலை சேர்த்து தாளிக்கவும். பின்னர் நறுக்கிய சின்ன வெங்காயம், பூண்டு சேர்த்து நன்கு வதக்கவும். பின்னர் அரைத்து வைத்துள்ள தக்காளி விழுதை சேர்த்து நன்கு வதக்கவும். பின்னர் மஞ்சள் தூள், மிளகாய் தூள், மல்லித் தூள் சேர்த்து 1நிமிடம் வதக்கவும்.

பின்னர் கரைத்து வைத்துள்ள புளிக்கரைசலை சேர்க்கவும். அதனுடன் நறுக்கிய காய்கறிகளை சேர்த்து குழம்பிற்கு தேவையான உப்பு சேர்த்து மூடி போட்டு நன்கு காய்கறி வேகும் வரை கொதிக்க விடவும்.

குழம்பு நன்கு கொதித்த உடன் அரைத்து வைத்துள்ள தேங்காய் விழுது மற்றும் கருவாடு சேர்த்து 7நிமிடம் கொதிக்க விட்டு இறக்கவும். குறிப்பு : தட்டைக்கருவாடு, திருக்கை கருவாடு, சுறா கருவாடு இம்மூன்று கருவாடுக்கு மட்டும் தான் தேங்காய் உடன் மிளகு, பூண்டு சேர்த்து அரைத்து சேர்க்க வேண்டும் மற்ற கருவாடு எனில் சேர்க்க தேவை இல்லை. குழம்பு சற்று தண்ணீராக இருக்க வேண்டும். அப்போது தான் கருவாட்டு முள் தெரியும்.