સમોસા નુ સ્ટફિંગ બનાવવા માટે સૌપ્રથમ બટેટા અને વટાણા ને બાફી લેવા. હવે એક પેનમાં તેલ ગરમ કરો તેલ ગરમ થઈ જાય ત્યારબાદ તેમાં ચપટી હિંગ હળદર અને જીરું નાખી ત્યારબાદ આદુ મરચાની પેસ્ટ નાખવી. ત્યારબાદ તેમાં બાફેલા વટાણા એડ કરી થોડીક વાર હલાવો.હવે તેમાં મરચું પાવડર, ધાણાજીરું પાવડર, ગરમ મસાલો, ચાટ મસાલો,સ્વાદ અનુસાર નમક આ બધું નાખી અને એકદમ બરાબર મિક્સ કરો ત્યારબાદ તેમાં બાફેલા બટાકા નાખી અને ફરીથી પાછું બધું બરાબર મિક્સ કરી અને ધાણાભાજી નાખવી. તો તૈયાર છે સમોસાનું સ્ટફિંગ

હવે સમોસા બનાવવા માટે ૧ બાઉલ માં મેંદાનો લોટ, તેમાં બેથી ત્રણ table સ્પૂન તેલનું મોણ એક ચમચી અજમોઅને સ્વાદ અનુસાર નમક નાખી લોટ સાથે આ બધું એકદમ બરાબર મિક્સ કરો ત્યારબાદ ધીમે ધીમે પાણી નાખતા જાવ અને એકદમ સરસ કડક લોટ બાંધી લો. ત્યારબાદ તેમાંથી એક લૂઓ લઈ અને મોટી રોટલી વણી લો રોટલી ને કટરની મદદથી વચ્ચેથી કટ કરી લો.તેમાંથી એક પાર્ટ લઈ અને સમોસાનો શેઈપ આપો જરૂર પડે તો સમોસા ની કિનારી પર પાણી લગાડવુ.તેમજ સમોસા માં સ્ટફિંગ ભરી અને ફરતી કિનારી એ પાણી લગાડી અને એકદમ સરસ પેક કરી લો.

તો તૈયાર છે ગુજરાતીઓના ફેવરીટ સમોસા તેને ટોમેટો કેચપ અને ગ્રીન ચટણી સાથે ગરમા ગરમ સર્વ કરો.