સૌ પ્રથમ રીંગણનાં ડીંટા કાપીને તેમાં વચ્ચે ઉભા બે કાપા કરો.

એક મિક્સિંગ બાઉલમાં બેસન, ધાણાજીરૂં, હળદર, મરી પાઉડર, મીઠું, હીંગ, વાટેલા સીંગદાણા, ખાંડ તથા એક મોટી ચમચી તેલ અને લીંબુનો રસ ઉમેરી મિક્સ કરી સ્ટફિંગ તૈયાર કરો.

રીંગણમાં સ્ટફિંગ ભરો. વધારાનું સ્ટફિંગ રહેવા દો.

એક કઢાઈમાં તેલ ગરમ કરો તેમાં જીરું અને હીંગ મૂકી જીરૂં તતડે પછી તેમાં સ્ટફ કરેલાં રીંગણ ઉમેરો. ઢાંકણ ઢાંકીને ઢાંકણ પર પાણી મૂકીને ધીમા તાપે 7-8 મિનિટ પકાવો.

ત્યારબાદ ઢાંકણ ખોલીને રીંગણને ચમચા વડે ફેરવો. વધારાનું સ્ટફિંગ ઉમેરી ઢાંકણ ઢાંકીને 4 મિનિટ પકાવો.

ઢાંકણ ખોલીને ભરેલાં રીંગણને મિક્સ કરો. ઉપર કોથમીર ભભરાવી સર્વ કરો. તૈયાર છે સ્વાદિષ્ટ ભરેલાં રીંગણનું શાક.