காய்கறிகளை சிறிய துண்டுகளாக நறுக்கிக் கொள்ளவும். வேகவைத்த நூடுல்ஸ் உடன் ஒரு டேபிள் ஸ்பூன்கான்பிளவர் மாவு சேர்த்து நன்றாக பிசிறி 2 நிமிடம் கழித்து எண்ணெயில் போட்டு பொன்னிறமாக பொரித்து எடுக்கவும்.

கடாயில் எண்ணெய் சேர்த்து எண்ணெய் காய்ந்ததும் அதில் ஒரு டீஸ்பூன் அளவு சர்க்கரை சேர்த்து சர்க்கரை கரையும் வரை மிதமான சூட்டில் கிளறவும் பின் நறுக்கிய பூண்டு சேர்த்து வதக்கவும். பூண்டு வதங்கியதும் நறுக்கி வைத்துள்ள காய்கறிகளை சேர்த்து நன்றாக கிளறவும். பின் அதில் சோயா சாஸ் மற்றும் டொமேடோ கெட்சப் சேர்த்து வதக்கவும்.

அதன்பின் வெஜிடபிள் ஸ்டாக் சேர்த்து தேவையான அளவு உப்பு சேர்த்து கிளறவும். கொதித்ததும் சிறிதளவு வெஜிடபிள்ஸ் டாக்கில் ஒரு டீஸ்பூன் அளவு கான்பிளவர் மாவு சேர்த்து கலந்து சூப்பில் சேர்க்கவும்.

சூப் நன்றாக கொதித்ததும் மிளகுத்தூள் மற்றும் நறுக்கிய வெங்காயத்தாள் அல்லது கொத்தமல்லி இலை சேர்த்து இறக்கவும்.

கிண்ணத்தில் சூப்பை ஊற்றி மேலே பொறித்த நூடுல்சை வைத்து சூடாக பரிமாறவும். (குறிப்பு- சைனீஸ் இல் கொத்தமல்லி இலை பயன்படுத்தமாட்டார்கள். வெங்காயத்தாள் இல்லாதபட்சத்தில் கொத்தமல்லி இலை பயன்படுத்தலாம்.)