સૌપ્રથમ ખીરા માટેની બધી વસ્તુઓ તૈયાર કરી લો.ત્યારબાદ એક મોટા વાસણમાં બધી સામગ્રી અને જરૂર મુજબ પાણી નાખીને સરખી રીતે મિક્સ કરી લો.

સરખી રીતે મિક્સ થઇ ગયા બાદ તેને આથો લાવવા માટે છથી સાત કલાક મૂકો.તમે જોઈ શકો છો કેવો સરસ આથો આવી ગયો છે.

ત્યારબાદ મસાલા માટેની બધી સામગ્રી ભેગી કરી લો. હાંડવા ના ખીરા માં ડુંગળી, દુધી, બટાકા, આદુ મરચા અને લસણની પેસ્ટ,સીંગદાણા નાખો. ત્યારબાદ તેમાં બધા મસાલા નાખો.

કોથમીર નાખીને બધું સરખી રીતે મિક્સ કરી લો. ત્યાર બાદ એક વાસણમાં ચાર ચમચી તેલ મૂકો તેલ ગરમ થઈ જાય ત્યારબાદ તેમાં રાઈ અને તલ નાખો અને તે ખીરામાં રેડી દો.

ત્યારબાદ હાંડવા પેનમાં બે ચમચી તેલ મૂકો તેલ થઈ જાય ત્યારબાદ તેમાં જીરું અને તલ નાખો. અને બે ચમચા ખીરું રેડી દો અને તેને ઢાંકીને બંને બાજુ પકાવી લો. તૈયાર છે આપણો ગરમાગરમ હાંડવો જે ચોમાસામાં ખુબ જ સરસ લાગે છે અને ઝડપથી બની જાય છે