एका मोठ्या पातेल्यात २ लिटर पाणी घ्या. त्यात तेल आणि अर्धा टीस्पून मीठ घाला. पाणी उकळू द्या. पाणी उकळलं की त्यात पास्ता घाला आणि नरम होईपर्यंत शिजवा. जास्त शिजवू नका. नाहीतर नंतर त्याचे तुकडे होतात.

पास्ता शिजला की एका चाळणीत काढून घ्या म्हणजे त्यातलं पाणी निघून जाईल. पास्तावर गार पाणी ओता म्हणजे तो आणखी शिजणार नाही.दोन्ही ढोबळी मिरच्यांचे पातळ तुकडे (slice) करून घ्या. ब्रोकोली चे मध्यम आकाराचे तुकडे करून घ्या

एका कढईत अर्धा टीस्पून बटर घालून त्यात दोन्ही ढोबळी परतून अर्धवट शिजवून घ्या.ब्रोकोली आणि मक्याचे दाणे वेगवेगळे शिजवून घ्या.सॉस साठी एका मोठ्या कढईत बटर गरम करा. बटर वितळले की त्यात मैदा घालून परतून घ्या.आता त्यात दूध घालून नीट ढवळून एक उकळी काढा.