બેસનમાં લાલ મરચું, હળદર, ધાણાજીરું, મીઠું, જીરુ અને અજમા મેળવીને બધું બરાબર મિક્સ કરી લેવું. હવે તેમાં તેલ નાખીને લોટ મિક્સ કરી લેવો. 2 થી 3 ટેબલ ચમચી પાણી વડે ગટ્ટા નો લોટ બાંધી લેવો.

આ લોટને છ સરખા ભાગમાં વહેંચી ને એના હાથ વડે લાંબા ગટ્ટા બનાવી લેવા. એક પહોળા વાસણમાં બે કપ પાણી ઉકળે એટલે આ ગટ્ટા ઉમેરી દેવા અને ઢાંકીને બેથી ત્રણ મિનિટ સુધી ચઢવા દેવા. પલટાવીને ફરી પાચ મિનિટ સુધી ઢાંકીને મીડીયમ થી હાઈ હિટ પર ચઢવા દેવા. ગટ્ટા પર નાના પરપોટા જેવું દેખાય એટલે સમજવું કે એ ચડી ગયા છે.

ચડી ગયેલા ગટ્ટાને એક વાસણમાં કાઢી લેવા અને પાણી અલગથી રહેવા દેવું જે કરી માં ઉમેરવામાં કામ લાગશે. આ ગટ્ટાને નાના ટુકડામાં કાપી લેવા.

કરી બનાવવા માટે તેલ ગરમ થાય એટલે તેમાં જીરું નાખીને એને બ્રાઉન કલરનું થવા દેવું. હવે એમાં લસણ ઉમેરી એને ગુલાબી રંગનું સાંતળવું. હવે હિંગ, લીલા મરચાના ટુકડા, આદુ અને કાંદા ઉમેરી દેવા. કાંદા પારદર્શક થાય ત્યાં સુધી સાંતળવવાના છે.એને બ્રાઉન કલરના કરવાના નથી

એક વાસણમાં દહીં લઈ ને એમાં મરચું, હળદર અને ધાણા જીરું ઉમેરી બરાબર હલાવી લેવું. આ દહીને કાંદામાં ઉમેરી બધું બરાબર મિક્સ કરી લેવું. પાણી ઉમેરી બે મિનિટ સુધી ચડવા દેવું. હવે એમાં તૈયાર થયેલા ગટ્ટા ઉમેરી બીજી પાંચ મિનિટ સુધી ચડવા દેવું. જરૂર પ્રમાણે વધારે ઓછું પાણી ઉમેરી શકાય. લીલા ધાણા ઉમેરી ગેસ બંધ કરી દેવો.