सर्वप्रथम पारीसाठी एका बाऊलमधे मैदा आणि बेसन घ्या, त्यात गरम तेलाचे मोहन घालून मिक्स करा. मग त्यात हळद, तिखट, मीठ घालून व्यवस्थित मिक्स करा आणि पाण्याने घट्ट मळून घ्या व 15 मिनिट झाकून ठेवा.

त्यानंतर कोथिंबीर पाण्याने स्वच्छ धुवून चाळणीमध्ये वाळवून घ्या. पूर्णपणे वाळली की त्याला बारीक चिरून घ्या.

कोथिंबीर च्या सारणासाठी एका कढईमध्ये तेल घेऊन त्यात जिर मोहरी घाला व कोथिंबीर घाला, कोथिंबीर 2-3 मिनिट शिजवून घ्या, त्यानंतर त्यात शेंगदाण्याचा कूट, खसखस, धनेपूड, हळद, तिखट, मीठ घालून 1 मिनिट शिजवा.

आता त्यात खोबर्किस घालून व्यवस्थित मिक्स करून घ्या. तुम्हाला वड्या नंतर बनवायचं असेल तर एखादी डब्ब्यात सारण भरून फ्रिजमध्ये ठेवता येईल.

आता मळलेल्या मैदा बेसन चा निंबूपेक्षा थोडा छोटा गोळा घेऊन त्याची पातळ पोळी लाटून घ्या, त्यावर आयात आकारामध्ये कोथिंबीर चे सारण घाला.

आता खाली दाखवल्या प्रमाणे पाणी लावून एक बाजू दुमडून घ्या, त्यानंतर वरच्या बाजूला सुध्दा पाणी लावून दुमडून घ्या व हाताने थोडे दाबून घ्या.

बाकीच्या वड्या पण अश्याच प्रकारे बनवून घ्या, कुरकुरीत करण्यासाठी 15-20 मिनिट हवेत वाळवा, त्यानंतर मिडीयम फ्लेम् वर सर्ववड्या तळून घ्या.