1/2 கட்டு வெங்காயத்தாளை கழுவி வைக்கவும். 2 பச்சை மிளகாயை கழுவி வைக்கவும்.கடாயில் 2 டீஸ்பூன் ஆயில் விட்டு, 2 டேபிள் ஸ்பூன் உளுந்து பருப்பு, 2 டேபிள் ஸ்பூன் கடலைப்பருப்பு, 2 பச்சை மிளகாய் தாளிக்கவும். ‌

1 பெரிய பின்ச் பெருங்காயம் தூள் சேர்க்கவும். நறுக்கி வைத்த வெங்காயத்தாளை சேர்க்கவும். சிறிதளவு புளியை தண்ணீரில் ஊற வைக்கவும். வெங்காயத்தாளை உப்பு சேர்த்து நன்கு வதக்கி விடவும்.

1/2கப் தேங்காய் துருவல் சேர்க்கவும். சிறுது புளியை சேர்க்கவும். இவை அனைத்தையும் மிக்ஸியில் சேர்த்து வைத்து ஆறவிடவும்.

ஆறவிட்டு நன்கு அரைத்து விடவும்.கடாயில் 1 டீஸ்பூன் ஆயில் விட்டு 1/2 டீஸ்பூன் கடுகு, 1 டீஸ்பூன் உளுந்து பருப்பு, சிறிது கறிவேப்பிலை தாளித்து வெங்காயத்தாள்ச் சட்னி மேலே சேர்க்கவும். சுவையான கர்நாடகா ஈருள்ளி காவு சட்னி ரெடி😄😄