સૌ પહેલા મસાલો તૈયાર કરવા માટે એક બાઉલમાં લોટ, શીંગદાણા નો ભૂક્કો,ચવાણા નો ભૂક્કો,૨ ચમચી લસણની ચટણી, હળદર ખાંડ, ધાણાજીરૂ, મીઠું, લીંબુનો રસ, કોથમીર, થોડી આદુ મરચાં ની પેસ્ટ બધું જ લઈ ને બરાબર મિક્સ કરો.

હવે બટેટા ની છાલ ઉતારી ને બટેટા, ટામેટાં, રીંગણ, ડુંગળી અને કેપ્સિકમ માં કાપા પાડી દો

હવે બધાં જ શાકભાજી માં તૈયાર કરેલો મસાલો ભરી દો અને એક વાસણમાં વરાળમાં બાફવા મૂકો.

હવે એક કડાઈમાં ૨-૩ ચમચા તેલ ગરમ કરો તેમાં રાઈ અને જીરું અને હિંગ નાખી દો. રાઈ તતડે એટલે તેમાં સમારેલી ડુંગળી નાખી સાંતળો પછી તેમાં લસણની ચટણી અને આદુ મરચાં ની પેસ્ટ નાખી સાંતળો

થોડી જ વારમાં વરાળમાં બાફવા મુકેલા શાકભાજી ને ચેક કરતા રહેવું અને બફાઈ ગયેલા શાકભાજી કાઢી લેવા અને બીજા શાકભાજી બાફવા દેવા.હવે વઘારેલ ડુંગળી માં હળદર નાખી દો

હવે દહીં નાખી ખૂબ હલાવો પછી થોડું પાણી નાખી ઉકાળવું. હવે તેમાં બાફેલા શાકભાજી નાખી હળવે હાથે હલાવી લો પછી સહેજ વાર ઢાંકીને રહેવા દો. હવે કોથમીર નાખી સર્વ કરો.