ફૂદીનાનું પાણી બનાવવા માટે મિકસચર જારમાં ફુદીનાના પાન, કોથમીર, લીલા મરચાં, લીંબુ એડ કરી પેસ્ટ બનાવવી.

આ પેસ્ટ ને એક મોટા બાઉલમાં લઇ તેમાં મીઠું, સંચળ પાઉડર, પાણી એડ કરી મિક્સ કરવું. ઠંડુ થવા મુકવું.

મીઠું પાણી બનાવવા માટે એક વાસણમાં થોડું પાણી લઈ ગોળ અને આંબલી એડ કરી 2-3 કલાક પલાળી રાખવા. હવે હાથેથી મસળીને આંબલી ને સ્મેશ કરી લેવી. જરૂર મુજબ પાણી એડ કરી મિક્સ કરી ને ગાળી લેવું.

જીરા ફ્લેવર નું પાણી બનાવવા માટે એક બાઉલમાં પાણી, શેકેલું જીરું પાઉડર, લીંબુનો રસ, મીઠું,સંચળ પાઉડર, પાણીપુરી નો મસાલો એડ કરી મિકસ કરી લેવું, ગાળી લેવું.

જિંજર ગાર્લિક ફ્લેવરનુ પાણી બનાવવા માટે એક બાઉલમાં પાણી, આદુ- લસણની પેસટ, મીઠું, લીંબુનો રસ, પાણીપુરી મસાલો એડ કરી મિક્સ કરવું. ગાળી લેવું.

બધા ફ્લેવર ના પાણી તૈયાર છે સર્વ કરવા માટે.

સ્ટફીંગ બનાવવા માટે બાફેલાં બટાકા ને સ્મેશ કરી બાફેલાં ચણા, મીઠું લાલ મરચાં ની પેસ્ટ, કોથમીર એડ કરી મિક્સ કરવું.

એસેમ્બલ કરવા માટે પુરીમાં તૈયાર કરેલ સ્ટફીંગ ભરી ડ્રાય મસાલો સ્પ્રિંકલ કરી 4 ફ્લેવર ના પાણી સાથે સર્વ કરવું.