प्रथम १-१/२ पेला बासमती तांदूळ धुवून ठेवा. अंडी उकळवून घ्या. कुकरमध्ये तेल घालून त्यात एक मोठा कांदा पातळ स्लाइस करून फ्राय करून बाजूला काढा. त्याच तेलात हळद घालून अंडी घाला परतून घ्या व काढा. त्यात थोडं अजून तेल घालून खडा मसाला (तेजपत्ता १, हिरवी वेलची २, मसाला वेलची १, दालचिनी १) जिर घालून परता. त्यात उभा चिरलेला १ कांदा घालून परता, कांदा शिजला की टोमॅटो १ उभा चिरून घालून मऊ होईपर्यंत परता.

आता त्यात तिखट, धनाजीरा पावडर, गरम मसाला, बिर्याणी मसाला, हिरव्या मिरच्या, फेटलेलं दही घालून तेल सुटेपर्यंत परता.

आता त्यात भिजवलेला बासमती तांदूळ परतून गरम पाणी, चवीनुसार मीठ घाला. त्यात फ्राय केलेली अंडी, तळलेला कांदा, कोथिंबीर, पुदिना टाका आणि कुकरचे झाकण लावून मंद गॅसवर १० मिनिटे शिजवा नंतर गॅस मोठा करून १ शिटी होऊ द्या. २ मिनिटाने लगेच शिटी वर करून पूर्णपणे वाफ जाऊ द्या, मगच झाकण खोलून बिर्याणीवर कोथिंबीर, तळलेला कांदा पेरा.

गरमागरम अंडा बिर्याणी कोशिंबिरीबरोबर सर्व्ह करा.