तांदूळ निवडून2-3 वेळा पाण्याने धुऊन घ्यावे. व थोड्या पाण्यात अर्धा तास भिजत घालावे. कांदा, टोमॅटो, गाजर, बटाटा, मिरची चिरून घ्यावी. खडा मसाला तयार ठेवावा.

आता गॅस सुरू करून त्यावर एका भांड्यात तेल टाकावे. तेल गरम झाल्यावर त्यात, घेतलेला सर्व खडा मसाला टाकावा. काजू टाकावा. कांदा, मिरची, कढीपत्ता आणि टोमॅटो टाकावे एकत्र करावे, परतावे आणि 2 मिनिट झाकण ठेवून शिजू द्यावे.

आता त्यात बीन्स, बटाटा, गाजर, वाटाणे, पातीचा कांदा टाकून परतून घ्यावे. चवीनुसार मीठ घालून चांगले मिक्स करावे. व झाकण ठेवून 3 मिनिट शिजवावे.

त्यात आता भिजत घातलेले तांदूळ, पाणी काढून टाकावे.हलक्या हाताने मिक्स करून, त्यात गरम केलेले 3 वाट्या पाणी टाकावे.

पाणी टाकल्यावर मिक्स करून, झाकण ठेवून 5 मिनिट शिजवावे.

आता त्यात कोथिंबीर आणि डाळिंबाचे दाणे टाकून हलक्या हाताने मिक्स करून घ्यावे. स्वादिष्ट वेज बिर्याणी तयार आहे. सर्व्ह करताना वरून कोथिंबीर आणि डाळिंबाचे दाणे टाकून सर्व्ह करावे.