એક જાડા તળિયાવાળા પેનમાં ગોળનો પાયો તૈયાર કરો. ગોળનો પાયો બરાબર થયો છે કે નહીં તે જાણવા માટે એક વાડકીમાં પાણી લઈ તેમાં ગોળ ના પાયા નું એક ટીપું નાખીને ચેક કરવું જો તે એકદમ ગોળી જેવું બને અને એકદમ ક્રિસ્પી થઈ જાય તો માનવું કે ગોળનો પાયો બરાબર બની ગયો છે.

ગોળનો પાયો બરાબર થઈ જાય એટલે તેમાં શેકેલા સિંગદાણાનો કરકરો ભૂકો ઉમેરી બરાબર મિક્સ કરી લેવું પછી તેને ગ્રીસ કરેલી થાળી ઉપર મૂકી પાતળો રોટલો વણી લેવો.

જ્યારે તે થોડું થોડું ગરમ હોય ત્યારે જ તેના બરાબર કાપા પાડી દેવા પછી તેને થોડીક વાર રાખી મૂકી ને ઠંડું થાય એટલે તેને ઉખાડી લેવા અને એર ટાઈટ ડબ્બામાં ભરી દેવી.