સર્વપ્રથમ બધી જ હળદર ની છાલ ઉતારીને તેને એક મિક્સિંગ બાઉલ ની અંદર પાણીમાં મૂકી દો. ત્યારબાદ તેને છીણી લો અને તેના માપ જેટલા જ બીજી બધી સામગ્રી લઈ લો.

એક કડાઈમાં ઘી ગરમ કરી લો અને પછી તેમાં લીલી હળદર નાખીને તેને 5 મીનિટ સુધી સાંતળી લો. અને એ વાતનું ધ્યાન રાખવું કે હળદરને સતત હલાવતા રહેવાનું તે નીચે કડાઈમાં ચોંટી ના જાય.

ત્યારબાદ તેમાં લીલું લસણ નાખીને બરાબર મિક્ષ કરી લો અને તેની પણ બે-ત્રણ મિનિટ સુધી હલાવીને થવા દો અને ત્યારબાદ તેમાં આદું-લસણની પેસ્ટ મિક્સ કરીને તેને પણ બે-ત્રણ મિનિટ સુધી થવા દો.

ત્યારબાદ તેમાં ડુંગળી નાખીને તેની પણ બે-ત્રણ મિનિટ સુધી થવા દો.ત્યારબાદ વટાણાના દાણા નાખીને પણ તેની પણ બે-ત્રણ મિનિટ થવા દો. ત્યારબાદ ટામેટા નાખી દો. તેને પણ બે મિનીટ સુધી ધીમા તાપે થવા દો.

પછી તેમાં મીઠું, મરચું અને ગરમ મસાલો નાખી ને બે ત્રણ મિનિટ સુધી થવા દો. ત્યારબાદ તેમાં દહીં ઉમેરો.