தேவையான அளவு சுரைக்காய் எடுத்துக் கொள்ளவும்.தோலை நீக்கி விட்டு பொடி பொடியாக நறுக்கிக் கொள்ளவும்.ஒரு பாத்திரத்தில் 1கப் பாசி பருப்பை சிறிதளவு மஞ்சள் சேர்த்து வேக வைத்து எடுத்துக் கொள்ளவும்.

மிக்ஸியில் தேவையான அளவு தேங்காய் மற்றும் சீரகம் சேர்த்து அரைத்து கொள்ளவும்.ஒரு கடாயில் எண்ணெய் ஊற்றி கடுகு,உளுந்தப்பருப்பு சேர்த்து சீரகம் சேர்த்து பொரியவிடவும்.

பின்பு,நறுக்கி வைத்த வெங்காயம் சேர்த்து வதக்கவும்.அதனுடன் கறிவேப்பிலை வத்தல் சேர்த்து வதக்கவும்.நன்றாக வதங்கிய பின்பு,நறுக்கி வைத்த சுரைக்காய் சேர்க்கவும்.

சிறிதளவு உப்பு சேர்த்து வதக்கவும்.சுரைக்காய் பாதியளவு வெந்தவுடன் வேக வைத்து எடுத்துள்ள பருப்பை சேர்க்கவும்.

பருப்பு சேர்த்து நன்றாக வேக வைக்கவும்.தேவையான அளவு உப்பு சேர்த்து கொள்ளவும்.

அரைத்து வைத்துள்ள தேங்காய் துருவலை சேர்த்து நன்றாக கொதிக்க விடவும்.கெட்டியான பதத்திற்கு வந்தவுடன் கொத்தமல்லி தழை சேர்த்து இறக்கவும்.