கடாயில் பாசிப்பருப்பை தனியாக வறுத்து, பிறகு உளுந்தம் பருப்பை வாசம் வரும் வரை வறுத்து, அத்துடன் அரிசி சேர்த்து ரைஸ் மில்லில் கொடுத்து அரைத்து கொள்ளவும்.

ஒரு ஆழாக்கு மாவை எடுத்து லேசாக வறுக்கவும் கருப்பட்டி தூள் செய்து வைக்கவும்.அடுப்பில் வைத்து1டம்ளர் தண்ணீர் சேர்த்து கரையவிட்டு வடிகட்டி வைக்கவும்.

இது நன்றாக ஆறியபின் மாவை சேர்த்து மேலும் இரண்டு தம்ளர் தண்ணீர் சேர்த்து நீர்க்க கரைத்துக் கொள்ளவும்.

ஒரு கடாயில் சிறிதளவு நெய் சேர்த்து கலவையை ஊற்றிக் கைவிடாமல் சிம்மில் வைத்து கிளறி கொண்டே இருக்கவும். மாது ஓரளவு வெந்தபின் மேலும் சிறிதளவு நெய்யை ஊற்றி கிளறிக் கொண்டே இருக்கவும்.

கலவை நன்றாக கெட்டியாக மாறி வரும் நான் ஸ்டிக் பேனில் ஒட்டாமல் வரும்.கைகளை சிறிதளவு தண்ணீரில் நனைத்து தொட்டுப் பார்த்தால் ஒட்டாமல் வரவேண்டும் அதுதான் பதம். மீதமுள்ள நெய் சேர்த்து கிளறி இறக்கவும்.ஒரு பாத்திரத்தில் மாற்றி மேலே ஒரு டீஸ்பூன் நெய் சேர்க்கவும்.மிகவும் சுவையான செட்டிநாடு கும்மாயம் தயார்.

குறிப்பு:
ஒரு பங்கு மாவுக்கு ஒரு அச்சு கருப்பட்டி
இரண்டு அச்சு வெல்லம் சேர்த்து செய்வார்கள். அதன் நிறம் சுவையைக் கூட்டுவதற்காக இந்த மாதிரி செய்வார்கள்.
ஆனால் நான் வெறும் கருப்பட்டியை கொண்டு செய்தேன்.