படத்தில் உள்ளது போல் மஷ்ரூம் மற்றும் வெங்காயத்தை அரிந்து வைக்கவும்

கடாயில் சிறிது வெண்ணெய் சேர்த்து வெங்காயம் இஞ்சி பூண்டு பச்சை மிளகாய் முந்திரி பருப்பு இவை நான்கையும் பொன்னிறமாக வதக்கி சிறிது தண்ணீர் சேர்த்து மிக்ஸியில் விழுதாக அரைத்து வைக்கவும்.கடாயில் சிறிது எண்ணெய் சேர்த்து சிறிது மிளகு தூள் சேர்த்து தாளிக்கவும். பின்பு அதில் வதக்கி அரைத்து வைத்துள்ள வெங்காய விழுதை சேர்த்து பச்சை வாசனை போகும் வரை நன்கு பொன்னிறமாக வதக்கவும்.

பின்பு அதில் பச்சை பட்டாணி மற்றும் பொடியாக நறுக்கிய காளான் சேர்த்து நன்கு வதக்கவும்.சிவப்பு மிளகாய்த்தூள் தனியாத்தூள் கரம் மசாலா பொடி இவை அனைத்தையும் சேர்த்து ஒரு நிமிடம் வதக்கி பின்பு அரை கப் தண்ணீர் சேர்த்து கலந்து விட்டு மூடி வைத்து நன்கு வேகவைக்கவும்.

மஷ்ரூம் நன்கு வெந்ததும் ஒரு கப் ஃப்ரெஷ் க்ரீம் சேர்த்து கலந்து விட்டு மிதமான தீயில் வைத்து கொதிக்க வைக்கவும் க்ரீம் கொதிக்க ஆரம்பித்தவுடன் அடுப்பை அணைத்து விடவும்.

மிகவும் சுவையானமஸ்ரூம் மலாய் மட்டர் ரெடி. பரோட்டா சப்பாத்தி ரொட்டி என அனைத்திற்கும் மிகவும் ஏற்ற சைட் டிஷ்