સૌ પ્રથમ ઘઉંના લોટમાં મીઠું, જીરૂ, તલ, મરીનો પાઉડર અને તેલ ઉમેરી મિક્ષ કરી પાણી નાંખી લોટ બાંધી લો. ૧/૨ ચમચી તેલ નાંખી બરાબર કૂણી ઉપર તેલ લગાવી ૧૦ થી ૧૫ મિનિટ ઢાંકીને રેહવા દો.

ત્યારબાદ એક મિક્ષિંગ બાઉલમાં કૉબીજ, ડુંગળી, બધા મસાલા અને કોથમીર ઉમેરો.

પછી લોટને બરાબર કુણપીને લુઆ તૈયાર કરી લો. સ્ટફિંગ બરાબર મિક્ષ કરી મીઠું ઉમેરી હળવા હાથે મિક્ષ કરો. (પરાઠા બનાવવા ટાઇમે જ મીઠું ઉમેરવું જેથી કરીને પાણી છુટ્ટુંના પડે.)

થોડું નાનું વણી વચ્ચે સ્ટફિંગ મૂકી બરાબર વાળીને લોટ લગાવી ગોળ પરાઠા વણી લો.

તવી ગરમ કરી બન્ને સાઇડ માખણ લગાવી ગોલ્ડન બ્રાઉન શેકી લો. બધા એ રીતે જ તૈયાર કરી લો.