સૌ પ્રથમ સુજીમાં છાશ ઉમેરીને ઢોકળા માટે પલાળી રાખો.શાકભાજી સમારીને તૈયાર કરો

એક પેનમાં તેલ ગરમ કરો.પછી ડુંગળી અને કેપ્સીકમ ઉમેરો.2 મિનિટ સંતળો.પછી ટામેટાં,વટાણા,મકાઈના દાણા, લીલાં મરચાં અને બધાં મસાલા ઉમેરી,મિક્સ કરી 5 મિનિટ ઢાંકી દો.

મસાલો થાય ત્યાં સુધી એક બાઉલમાં મેગી અને મસાલો અલગ અલગ કાઢી લો.ટામેટાં નરમ થાય અને તેલ છોડે પછી મેગી ઉમેરી 2 મિનિટ સાંતળો.

હવે જરૂર મુજબ પાણી ઉમેરી મિક્સ કરી લો. પાણી ઉકળે પછી ગેસ સ્લો કરી ઢાંકીને થવાં દો.2 મિનિટ બાદ પનીર ઉમેરી મિક્સ કરી ઢાંકી દો.5 મિનિટ બાદ ગેસ બંધ કરી દો.

તપેલા મા પાણી ગરમ કરવાં મુકો.હવે તેલ લગાવેલી થાળીમાં ઢોકળાંનુ ખીરુ પાથરો.થાળી બાફવા મુકો.બીજી અન્ય સામગ્રી ભેગી કરી લો.

ગેસ બંધ કરી થાળી તપેલામાંથી બહાર કાઢી લો.હવે ઢોકળા બાફેલી થાળી પર 1 ચમચી મેયોનીઝ અને 2 ચમચી કેચપ મિક્સ કરી પાથરીને ઉપર બનાવેલી મેગી મુકો.

હવે મેગી બરાબર પાથરી ઉપર મોઝરેલા અને પ્રોસેસ ચીઝ પાથરો.ઉપર થી ઓરેગાનો અને ચીલી ફ્લેક્સ છાંટી દો.હવે તેની ઉપર ફરીથી ખીરુ પાથરો.

ખીરુ પાથરી ઉપર મસાલા-એ-મેજીક અને પીઝા મિક્સ સ્પાઇસ છાંટી દો.કોથમીર,ટામેટા અને કેપ્સીકમ ના નાના ટુકડા થી ગાર્નિશ કરી થાળી ને ફરીથી બાફવા મુકો.10 મિનિટ બાદ ઢાંકણ ખોલીને ચેક કરી લેવું.

થાળી તપેલામાંથી બહાર કાઢી 5 મિનિટ ઠંડી થવાં દો.છરી ની મદદ થી પીઝા ની જેમ 8 પીસ કરો.તવેથાથી પીસ કાઢી સર્વ કરો.

તૈયાર છે એકદમ સ્વાદિષ્ટ અને સૌને ભાવે એવાં મસાલા-મેગી પીઝા ઢોકળા.કેચપ સાથે સર્વ કરો.