સૌપ્રથમ અડદની દાળ અને મગની દાળને ચોખ્ખા પાણી થી ધોઈ ને અલગ અલગ વાસણમાં 4 થી 5 કલાક સુધી પલાળી લો.

હવે વધારાનું પાણી કાઢી ને અલગ અલગ દાળને મિક્ષરમાં ક્રશ કરી લો. અને એકદમ સ્મુથ પેસ્ટ બનાવી લો.

હવે બંને ક્રશ કરેલી પેસ્ટ ને એક મોટા વાસણમાં મિક્સ કરી લો. અને એકજ ડાયરેકશનમાં 10 મિનિટ સુધી હલાવી લો જેથી ખીરું માં એર ભરાય જેથી એકદમ સોફ્ટ વડા બને.

અને હવે આપણે ખીરું બરાબર બન્યું છે કે નહીં તે ચેક કરીશું એના માટે એક વાટકી માં પાણી ભરી લો અને એમાં 1 ચમચી ખીરું ઉમેરો જો ખીરું તરત જ ઉપર આવે તો સમજવું કે ખીરું બરાબર બની ગ્યું છે.અને એમાં આદું મરચાં ની પેસ્ટ, જીરુ અને મીઠું ઉમરેવું અને બરાબર મિક્ષ કરી લો.

હવે એક મોટા વાસણમાં 3 ગ્લાસ પાણી લો. અને એમાં સ્વાદ પ્રમાણે મીઠું અને ચપટી હિંગ ઉમેરી લો

હવે કડાઈમાં તેલ ગરમ કરવા માટે મૂકો. તેલ ગરમ થાય ત્યારે તેમાં વડા ઉમેરો અને ગોલ્ડન બ્રાઉન કલરના થાય ત્યાં સુધી તળી લો અને તરત જ આપણે જે પાણી તૈયાર કર્યું છે એમાં વડા ઉમેરી લો. એ રીતે બધા જ વડા તળી લો અને પાણી માં મૂકો.

હવે જે પાણીમાં થી વડા ને હાથેળી
માં દબાવી વધારાનું પાણી નીકાળી સર્વ કરો અને ઉપર થી દહીં માં થોડી દળેલી ખાંડ અને મીઠું ઉમેરી એ વડા ઉપર ઉમેરો.

ગ્રીન ચટણી અને ખજૂર આંબલી ની ચટણી ઉમેરો. દાડમ, શેકેલ જીરુ નો પાઉડર અને કોથમીર ઉમેરી ને ખૂબ જ ટેસ્ટી દહીં વડા સર્વ કરો.