ஒரு குக்கரில் தேவையான அளவு எண்ணெய் விட்டு பட்டை கிராம்பு ஏலக்காய் சேர்த்து நன்றாகப் பொரிய விடவும்.

நறுக்கி வைத்த வெங்காயத்தை சேர்த்து நன்றாக வதக்கவும். சிறிதளவு கறிவேப்பிலை சேர்த்து, தேவையான அளவு காய்கறிகளை சேர்த்து நன்றாக வதக்கவும்.

பீன்ஸ் கேரட் பச்சைப் பட்டாணி உருளைக்கிழங்கு காலிபிளவர் என தேவையான காய்கறிகள் சேர்த்துக் கொள்ளலாம், மூடி போட்டு ஒரு ஐந்து நிமிடம் காய்கறிகளை வேக வைக்கவும்.

மிக்ஸி ஜாரில் சிறிதளவு தேங்காய் முந்திரிப் பருப்பு கசகசா காரத்திற்கு ஏற்ப பச்சை மிளகாய் பெருஞ்சீரகம் சேர்த்து நன்றாக அரைத்து வேக வைத்த காய்கறிகளுடன் சேர்த்து தேவையான அளவு தண்ணீர் ஊற்றி கொள்ளவும்.

சிறிதளவு கரம் மசாலா சேர்த்து நன்றாகக் கிளறி தேவையான அளவு உப்பு சேர்த்து குக்கரை மூடி 2 விசில் விடவும்.

சுவையான பூரிக்கு ஏற்ற வெள்ளை குருமா தயார்.