હવે કચોરી નું સ્ટફિંગ બનાવવા માટે એક પેનમાં બે ચમચી તેલ મૂકી તેમાં આદુ મરચાની પેસ્ટ ઉમેરો. હવે તેમાં અધકચરા વાટેલા ધાણા અને વરિયાળી ઉમેરો. ત્યારબાદ તેમાં સમારેલી ડુંગળી ઉમેરો અને ડુંગળીને આછી ગુલાબી થાય ત્યાં સુધી ચઢવા દો.

હવે તેમાં હળદર, લાલ મરચું પાઉડર,ધાણા-જીરુ પાઉડર, ચાટ મસાલો,આમચૂર પાઉડર, સ્વાદ અનુસાર મીઠું ઉમેરી મિક્સ કરી લો. ત્યારબાદ તેમાં બાફીને મેશ કરેલા બટાકા ઉમેરો.

હવે બટેકા ઉમેર્યા બાદ તેને સારી રીતે મિક્સ કરી થોડીવાર માટે થવા દો. હવે તેમાં બારીક સમારેલી કોથમીર ઉમેરી મિક્સ કરી લો.

હવે બાંધેલો લોટ લઇ તેને સારી રીતે કેળવી લો. હવે તેના એકસરખા લુઆ વાળી લો. ત્યારબાદ એક લૂઓ લઈ તેમાં મસાલાનો એક બોલ મૂકી તેને ફરતે થી બંધ કરી દબાવીને કચોરી નો આકાર આપો.

હવે એક કડાઈમાં તેલ મૂકી બધી કચોરી વાળી મીડીયમ તાપે ગોલ્ડન બ્રાઉન થાય ત્યાં સુધી તળી લો.
હવે કચોરીને મરચા, ડુંગળી અને મનપસંદ ચટણી સાથે સર્વ કરો. હવે રાજસ્થાની પ્યાજ કચોરી સર્વ કરવા માટે તૈયાર છે.