સૌથી પહેલા દહીં નો મસ્કો બનાવવા માટે દહીં ને આછા કોટનના કપડામાં ૮-૧૦ કલાક સુધી બાંધીને લટકાવી ને રાખવું જેથી બધા દહીંનું પાણી નીતરી જાય.

ત્યારબાદ દહીંનો મસ્કો આ રીતે તૈયાર થઇ જાય એટલે તેમાં દળેલી ખાંડ ઉમેરી અને મિક્સ કરવી.

થોડા દૂધમાં કેસરના તાંતણા પલાળીને રાખવા એટલે તેનો કલર આ રીતે બદલાઈ જશે. પછી તે કેસરવાળું દૂધ મઠામાં ઉમેરી અને મિક્સ કરી લેવું.

હવે તેમાં બધા ડ્રાયફ્રૂટ્સની કતરણ અને ઇલાયચી પાઉડર ઉમેરી અને મિક્સ કરી લેવો.

પછી મઠા ને ૫ થી ૬ કલાક ફ્રીઝમાં ઠંડુ કરવા મુકી દેવો. ત્યારબાદ સર્વિંગ બાઉલમાં સર્વ કરવું અને કેસર, પિસ્તા અને ટુટીફ્રુટી થી ગાર્નીશ કરવો.