ગુવાર ને ધોઈ ને લુછીને સાફ કરી લો. અને તેને ડીંટી લો. બટાકા ને પણ છાલ કાઢી સમારી લો. બંને મિક્સ કરી થોડું પાણી ઉમેરી દો. જેથી બટાકા કાળા ન પડે.

કુકરમાં તેલ ઉમેરી ગરમ થાય એટલે હીંગ અને હળદર નો વઘાર કરી લસણ ઉમેરી દો.શાક માંથી પાણી નિતારી ગુવાર બટાકા ને ઉમેરી દો. સ્વાદ મુજબ મીઠું ઉમરી બધું જ બરાબર હલાવી લો. હવે ૧ થી ૨ વખત હાથમાં પાણી લઈ છાંટીને કુકર બંધ કરી ફક્ત ૧ થી ૨ સીટી વગાડીને ગેસ બંધ કરી કુકર ઠરી જાય પછી ખોલો.

હવે ગરમ ગરમ શાક પર ચટણી અને ધાણા જીરું ઉમેરી બરાબર હલાવી લો. તૈયાર છે ગરમ ગરમ ગુવાર બટાકા નું શાક.કોથમીર થી સજાવી ગરમ ગરમ સર્વ કરવું.