200 கிராம் சிறிய உருளைக்கிழங்கை கழுவி குக்கரில் சேர்த்து தண்ணீர் சிறிது விட்டு 2 விசில் வேக வைத்து எடுத்து வைக்கலாம். ஆறியவுடன் தோல் நீக்கி, கடாயில் 5 டீஸ்பூன் ஆயில் விட்டு பொன்னிறமாகப் பொரித்து எடுத்து வைக்கவும்.

பொரித்ததை தனியாக ஒரு கிண்ணத்தில் எடுத்து வைக்கவும். அதே கடாயில் மேலும் 2 டீஸ்பூன் ஆயில் விட்டு, கடுகு 1 டீஸ்பூன்,1 வரமிளகாய் கிள்ளியது, சிறிதளவு பெருங்காயத் தூள், 2 முழு பூண்டு தட்டியது, சிறிது கறிவேப்பிலை சேர்த்து பொன்னிறமாக வதக்கவும். அதனுடன் நறுக்கிய வெங்காயம் சேர்த்து நன்கு வதக்கி விடவும்.

வெங்காயம் நன்கு வதங்கிய உடன் 1/2 டீஸ்பூன் மஞ்சள் தூள், 1 டீஸ்பூன் மிளகாய்த்தூள் உப்பு சேர்த்து, பொரித்து வைத்த உருளைக் கிழங்கை சேர்த்து நன்கு பிரட்டி விடவும். அடுப்பை சிம்மில் வைத்து சிறுது நேரம் மூடி விடவும்.

பிறகு நன்கு கிளறி விடவும். பொடியாக நறுக்கிய கொத்தமல்லித் தழையைத் தூவி அடுப்பில் இருந்து இறக்கிவிடவும்.