முதலில் தேவையான பொருளை எடுத்துக்கொண்டு அடுப்பில் ஒரு குக்கரில் 3 உருளைகிழங்கை சேர்த்து தண்ணீர் ஊற்றவும்.

பின் குக்கரை மூடி 4 விசில் வைக்கவும் அடுப்பை அணைத்து விசில் அடங்கியதும் குக்கரை திறந்து உருளைக்கிழங்கை தோல் உரித்து வைக்கவும்.

பின் கையால் பொடியாக பிசைந்து வைக்கவும். அடுப்பில் ஒரு கடாயை வைத்து எண்ணெய் ஊற்றவும்.

காய்ந்த உடன் ஒரு ஸ்பூன் கடுகு, ஒரு ஸ்பூன் உளுந்து, சிறிதளவு கருவேப்பிலை சேர்த்து தாளிக்கவும்.

அதில் 2 வர மிளகாயை இரண்டாகக் கிள்ளிப் போடவும். பின் பொடியாக நறுக்கிய வெங்காயம் தேவையான அளவு உப்பு சேர்த்து பொன்னிறமாக வதக்கவும்.

மசித்த உருளைக்கிழங்கை அதோடு சேர்த்து கிண்டி 5 ஸ்பூன் தேங்காய் துருவல் சேர்த்து அடுப்பை அணைத்து கொத்தமல்லியை தூவி இறக்கவும்.