சட்டியில் அரைக்க கொடுத்துள்ள பொருட்களை ஒவ்வொன்றாக சேர்த்து பொன் நிறமாக வறுத்து நன்றாக ஆற வைத்து விழுதாக அரைத்துக் கொள்ளவும்.

சட்டியில் நல்லெண்ணெயை (கூடுதல் சுவையை கொடுக்கும்) ஊற்றி காய்ந்ததும் சுண்டைக்காய் மற்றும் மணத்தக்காளி வற்றலை சேர்த்து 30 வினாடிகளுக்கு பொரித்து எடுத்து வைத்துக் கொள்ளவும்.

பிறகு சட்டியில் எண்ணெய் ஐ காய்ந்ததும் கடுகு சேர்த்து கொள்ளவும். கடுகு பொரிந்ததும் வெந்தயம் சேர்த்து சிவந்ததும் வெங்காயம் சேர்த்து கொள்ளவும். (வெங்காயம் விரைவில் வதங்குவதற்கு சிறிதளவு உப்பை சேர்த்துக் கொள்ளவும்)

பிறகு பூண்டு கறிவேப்பிலை மற்றும் தக்காளி சேர்த்து நன்றாக வதக்கவும்.

தக்காளி மைய வதங்கியதும் அதில் மிளகாய் தூள் மற்றும் மஞ்சள் தூள் சேர்த்து சிறிது நேரம் கிளறவும்.

பிறகு புளிக்கரைசல், அரைத்து வைத்த மசாலா சேர்த்து கொதிக்க விடவும்.

தேவையான அளவு உப்பு சேர்த்து மூடி போட்டு 25 நிமிடங்களுக்கு கொதிக்க வைக்கவும்.