સૌ પ્રથમ પનીર ના ટુકડા કરી એક તવી પર તેલ મૂકી પનીર ને બ્રાઉન રંગના થાય ત્યાં સુધી સાંતળી લેવું. પછી એક બાઉલ માં કાઢી લઈ મીઠું અને પાવભાજી મસાલો ઉમેરી બરાબર મિક્સ કરી લેવું.

બાસમતી ચોખા ને બરાબર ધોઈને 1/2 કલાક પાણી માં પલાળી રાખી ત્યારબાદ એક પેન માં પાણી લઈ ઉકળે એટલે તેમાં મીઠું અને લીંબુ નો રસ ઉમેરી ચોખા ચડાવવા. જેથી લાંબો સરસ છૂટો રાઈસ બનશે.

હવે એક તવા પર તેલ અને બટર મૂકી ગરમ થાય એટલે જીરું ઉમેરી તતડે એટલે લસણ અને લીલું મરચું ઉમેરી 1 મિનીટ માટે સંતાડવું.

હવે તેમાં ડુંગળી સાંતળી કેપ્સિકમ ઉમેરી 1 થી 2 મિનિટ સાંતળો. પછી ટામેટાં ઉમેરી બરાબર મિકસ કરી 2 થી 3 મિનીટ શેકવું.

પછી લસણ ની ચટણી અને બીજા બધા મસાલા માં હળદર, લાલ મરચું, ધાણાજીરું, પવભાજી મસાલો, ગરમ મસાલો, મીઠું ઉમેરી મેસર થી મેશ કરી લેવું

ત્યારબાદ તેમાં ગાજર, લીલા વટાણા અને થોડું પાણી ઉમેરી બરાબર ચડવા દેવું.

હવે છેલ્લે તેમાં પનીર ના ટુકડા અને ચોખા ઉમેરી દાણો તૂટે નહીં એ રીતે ધ્યાન રાખી મિક્સ કરી લેવું.

ઉપર થી કોથમીર, લીંબુ નો રસ ઉમેરી રાયતા, પાપડ સાથે આ પુલાવ સર્વ કરી શકાય.ઈચ્છાનુસાર ગર્નિશ કરી પ્લેટિંગ્ કરવું.