மொச்சையை ஊற வைத்து வேக வைத்து எடுத்து கொள்ளவும். கருவாட்டை சுடுதண்ணீரில் கழுவி எடுத்து கொள்ளவும். சின்ன வெங்காயம் மற்றும் பூண்டை இடித்து வைக்கவும். தேங்காய் பால் எடுத்து வைக்கவும்.

கடாயில் நல்லெண்ணெய் ஊற்றி சூடானதும் வடகம் சேர்த்து தாளிக்கவும். வடகம் இல்லை எனில் கடுகு, சீரகம் சேர்த்து தாளிக்கவும். அதனுடன் கருவேப்பிலை இடித்து வைத்துள்ள பூண்டு மற்றும் சின்ன வெங்காயம் சேர்த்து நன்றாக வதக்கவும். பின் பெரிய வெங்காயம் சேர்த்து அதனுடன் குழம்புக்கு தேவையான அளவு கல்லுப்பு சேர்த்து வெங்காயம் நன்றாக வதங்கும் வரை வதக்கவும். பின்னர் தக்காளி சேர்த்து எண்ணெய் பிரிந்து வரும் வரை வதக்கவும்.

பின்னர் காய்கறிகளை சேர்த்து 2நிமிடம் வதக்கவும். பின்னர் குழம்பு தூள் அல்லது மிளகாய் தூள், மல்லித்ததூள், மஞ்சள் தூள் சேர்த்து வதக்கவும். பின்னர் புளிக்கரைசலை சேர்த்து அதனுடன் குழம்புக்கு தேவையான அளவு தண்ணீர் சேர்த்து (அரிசி கழுவிய கடைசி தண்ணீர் சேர்க்கலாம்)நன்கு கொதிக்க விடவும். பின்னர் வேக வைத்த மொச்சை சேர்த்து எண்ணெய் பிரிந்து வரும் வரை கொதிக்க விடவும்.

பின்னர் கருவாடு மற்றும் தேங்காய் பால் சேர்த்து 1கொதி விட்டு கொத்த மல்லித் தூவி இறக்கினால் சுவையான பாரம்பரிய கருவாட்டு குழம்பு தயார். களி மற்றும் சூடான சாதத்துடன் அருமையாக இருக்கும். கருவாடு பிடிக்காதவர்கள் அதை மட்டும் தவிர்த்து சமைக்கலாம். சுவை அள்ளும்.