தேவையான பொருட்களை எடுத்து வைத்துக் கொள்ளவும். ஒரு முழு முட்டை மற்றும் ஒரு முட்டையின் மஞ்சள் கரு மட்டும் தேவைப்படும். இரண்டையும் ஒன்றாக சேர்த்து கலந்து வைத்துக் கொள்ளவும்.
வெண்ணெய் அறையின் வெப்ப நிலையில் இருக்க வேண்டும்.

வெண்ணையை ஒரு பாத்திரத்தில் சேர்த்து கரண்டி வைத்து ஒரு நிமிடத்திற்கு கலந்து விடவும்.

பிறகு அதில் பொடித்த சர்க்கரை மற்றும் வென்னிலா எசன்ஸ் சேர்த்து ஒரு நிமிடத்திற்கு மட்டும் கலந்து விடவும். அதற்குமேல் கலந்தால் சரியான வடிவம் கிடைக்காது.

தயார் செய்த முட்டை கலவையை இரண்டு பாதியாக பிரித்து கலந்து கொள்ளவும்.

அதனுடன் மைதா மாவு, கார்ன் மாவு மற்றும் உப்பு சேர்த்து கலக்கவும்.

மாவை சேர்த்தவுடன் கரண்டி வைத்து வெட்டி கலந்துவிடவும்.
அடிப்பகுதியிலிருந்து எடுத்துக் நடுவில் வெட்டி கலந்து விடவும்.

பிறகே கேக்கை அலங்கரிக்க பயன்படுத்தும் நாஸ்ஸில் வைத்து வடிவம் கொடுக்க கலந்த கலவையை ஒரு கவரில் நிரப்பி கொள்ளவும்.

பொம்மையின் உருவம் வரைவதற்கு படத்தில் காட்டியவாறு அதன் காதுகளை முதலில் வரைந்து பின் முகம் வரையவும். அனைத்தையும் தயார் செய்து பிறகு 20 நிமிடங்கள் குளிர்சாதன பெட்டியில் வைக்கவும்.

180 டிகிரி வெப்பநிலையில் 10 நிமிடங்கள் முன்கூட்டியே சூடுபடுத்தி வைத்துள்ள ஓவனில் 20 நிமிடங்களுக்கு வேக வைத்து எடுக்கவும். ஒவ்ொருவரு
ஓவனுக்கும் நேரம் மாறுபடும் என்பதால் 15 நிமிடங்களுக்கு பிறகு அடிப்பாகம் நன்றாக சிவந்து இருந்தால் தயாராகிவிட்டது என்பதாகும்.

பிறகு நன்றாக ஆறியதும் சாக்லேட்டை உருகி உருவம் வரைந்து கொள்ளவும்.