பாசிப்பருப்பை வெறும் வாணலியில் லேசாக சிவக்க வாசம் வரை வறுக்கவும். அரிசி பருப்பு இரண்டும் சேர்ந்து கழுவி ஒன்றுக்கு நான்கு பங்கு அளவு தண்ணீர் சேர்த்து குக்கரில் கொட்டவும். 10 நிமிடம் ஊற விடவும். ஒரு வாணலியில் 3 ஸ்பூன் எண்ணெய் விட்டு மிளகு சீரகம் பொடியாக நறுக்கிய இஞ்சி வறுக்கவும் கருவேப்பிலை சேர்க்கவும் ஒரு சிட்டிகை பெருங்காயத்தூள் சேர்த்து தாளித்து ஊற வைத்த அரிசி பருப்புடன் சேர்த்து கலந்து விடவும்.

ஒருகை கரண்டியில் மூன்று ஸ்பூன் நெய் விட்டு முந்திரியை வறுத்து அதனுடன் சேர்க்கவும். தேவையான உப்பு, அரை டம்ளர் பால் சேர்த்து கலந்து சிம்மில் வைத்து 5 விசில் விடவும்.பத்து நிமிடம் கழித்து திறந்து நன்கு கலந்துவிடவும் தேவைப்பட்டால் மீண்டும் சிறிதளவு நெய் சேர்க்கலாம். சுவையான கம கம வெண்பொங்கல் தயார்.

சட்னி சாம்பாருடன் சாப்பிட சுவையாக இருக்கும்.