கடலையை 8 மணி நேரம் ஊற வைத்து, குக்கரில் உப்பு சேர்த்து வேக வைத்து கொள்ளவும். வாணலியில் எண்ணெய் விட்டு பெருஞ்சீரகம், வெங்காயம், தக்காளி, இஞ்சி-பூண்டு பேஸ்ட் சேர்த்து நன்கு வதக்கவும். இறக்கும் பொழுது அரை கப் தேங்காய் துருவல் சேர்த்து வதக்கி இறக்கவும்.

பின்னர் அதனுடன் முந்திரி பருப்பு சேர்த்து மிக்ஸியில் நன்கு அரைத்து எடுத்து வைத்துக் கொள்ளவும். ஒரு வாணலியில் எண்ணெய் சேர்த்து பட்டை, லவங்கம், பிரிஞ்சி இலை தாளிக்கவும். அதனுடன் பொடியாக நறுக்கிய வெங்காயம் தக்காளி சேர்த்து நன்கு வதக்கவும்.

பின்னர் அரைத்து வைத்துள்ள விழுது இதனுடன் சேர்த்து இரண்டு நிமிடம் வதக்கவும். நன்கு வதங்கிய பின்னர் கரம் மசாலாத்தூள், மிளகாய்த்தூள் உப்பு சேர்த்து வதக்கவும்.

பின்னர் வேக வைத்து வைத்துள்ள கடலையை அதனுடன் ஊற்றி தேவையான அளவு தண்ணீர் சேர்த்து 5 நிமிடம் கொதிக்க விடவும். சென்னா மசாலா நன்கு கொதிக்கும் பொழுது மீதியுள்ள தேங்காய்த் துருவலை அரைத்து பால் பிழிந்து அதனுடன் சேர்த்து கொதிக்கவிடவும்.