सर्व प्रथम भेंडी स्वच्छ धुऊन घेऊन थोडे मोठ्या मोठ्या भागातच चिरून घ्यावी त्यानंतर हळद आणि तिखट घालुन घ्यावी कढई मध्ये थोड्या तेलावर परतून बाजूला ठेवावी कांदा कापून घ्यावा.

भेंडीच्या भाजी साठी आपण रेस्टॉरंट स्टाईल मसाला करणार आहे तो कसा ते पहा... ग्राइंडर मध्ये टोमॅटो,ओला नारळ, कांदा याची पेस्ट करून घ्यावी आणि त्यातच आले-लसूण देखील टाकावे. आता कढईमध्ये तेल घेऊन ते छान तापले की त्यावर ती बारीक चिरलेला कांदा परतून घ्यावा.

कांदा छान खरपूस तळला की त्यामध्ये तयार ग्रेव्ही घालावी त्यानंतर सब्जी मसाला, गरम मसाला, तिखट घालून व्यवस्थित हे मिश्रण शिजू द्यावे

या भाजीचा सिक्रेट इन्ग्रेडियंट आहे तो म्हणजे दही... गॅस सर्वात कमी फ्लेम वर असेल याची काळजी घ्यावी,आणि दही घालावे. परतून घेतलेली भेंडी त्यामध्ये घालावी व मिश्रण एकत्र करावे आणि चवीनुसार मीठ घालावे त्यानंतर भाजीची मसाला सोबतची कन्सिस्टन्सी बघूनच त्यामध्ये एक पेला गरम पाणी घालावे.