સૌ પ્રથમ બટાકા ને બાફી લો. હવે આપણે પકોડા માટે બેટર બનાવીશું. એની માટે એક મોટા બાઉલમાં બેસન, નમક, અજમો, હળદર પાવડર ઉમેરી વ્હિસ્કર થી મિક્સ કરી લો. ત્યાર બાદ આમાં થોડું થોડું પાણી ઉમેરતા જઈ મીડિયમ કનસીટન્સી નું બેટર બનાવી લો. ત્યાર બાદ આ બેટરને 2 થી 3 મિનિટ માટે બરાબર ફેટી લો. આ બેટરને 10 મિનિટ માટે rest આપો.

હવે આપણે પકોડા નું સ્ટફિંગ બનાવીશું. એની માટે એક પેન માં તેલ ગરમ કરી તેમાં જીરું કકડાવી તેમાં જીના સમારેલા લીલાં મરચાં, છીણેલું આદુ, હિંગ અને અધકચરા વાટેલા સૂકા ધાણા ઉમેરી સોતે કરી લો.

હવે આમાં બાફેલા બટાકા ને મેશ કરી ને ઉમેરી મિકસ કરી લો ને થોડી વાર માટે સ્લો ગેસ ની આંચ પર કૂક કરી લો. ત્યાર બાદ આમાં હળદર પાઉડર, લાલ મરચું પાવડર, ધાણા પાવડર, જીરું પાઉડર અને ગરમ મસાલો ઉમેરી બરાબર મિક્સ કરી કૂક કરી લો.

હવે આ મિશ્રણ માં આમચૂર પાઉડર, કસૂરી મેથી પાવડર, લીલી કોથમીર ના પાન અને નમક ઉમેરી બરાબર મિક્સ કરી તરત જ ગેસ ની ફ્લેમ બંધ કરી લો.

હવે આપણે બ્રેડ પકોડા માટે બ્રેડ ને સ્ટફિંગ થી એસેમ્બ્લ કરીશું. એની માટે ચાર નંગ બ્રેડ લઈ બે નંગ બ્રેડ ને લીલી ચટણી અને બે નંગ બ્રેડ ને ટોમેટો કેચઅપ થી સ્પ્રેડ કરી લો. ત્યાર બાદ ફોટો માં બતાવ્યાં પ્રમાણે એક એક બ્રેડ પર બટાકા નું સ્ટફિંગ સ્પ્રેડ કરી લો.

હવે આ બ્રેડ ને બીજી બ્રેડ થી બંધ કરી લો. હવે આ બ્રેડ ને વચ્ચેથી કાપીને ત્રિકોણાકાર કટ લગાવી લો. ત્યાર બાદ એક બાજુ બ્રેડ પકોડા ને તળવા માટે તેલ ગરમ કરવા મૂકી દો.

હવે પકોડા ના બેટરમાં ગરમ તેલ ઉમેરી મિક્સ કરી લો. હવે આમાં બેકિંગ પાઉડર ઉમેરી મિક્સ કરી લો. હવે બ્રેડ ની સ્લાઈસ ને કિનારાથી સિલ કરી બધી બાજુથી બેસન થી કોટ કરી લો.

હવે આ બ્રેડ પકોડા ને ગરમ તેલ માં ઉમેરી મીડિયમ ગેસ ની ફ્લેમ્ પર બંને બાજુ ગોલ્ડન ફ્રાય કરી લો.

હવે આપણા એકદમ ક્રિસ્પી ને ચટાકેદાર બ્રેડ પકોડા તૈયાર છે સર્વ કરવા માટે. આ બ્રેડ પકોડા ને ગ્રીન ચટણી અને ટોમેટો કેચઅપ સાથે સર્વ કરો.