તજ, લવિંગ અને મરી ને ખાયણીમાં અધકચરા વાટી લો. આખા ધાણા અને વરિયાળી ને પણ અલગથી અધકચરા વાટી લો. લીલા મરચા ઝીણા સમારી લો.

હવે કડાઇમાં તેલનો વઘાર મૂકી તેમાં જીરું ઉમેરો જીરું તતડે એટલે તેમાં હિંગ અને લીલા મરચા હળદર ઉમેરો હવે તમે એક કપ પાણી ઉમેરીને મગની દાળ ઉમેરો અને મગની દાળને સાથે સાત મિનિટ માટે કુક થઈ જવા દો. મગની દાળનું પાણી મળવા ભળી જાય એટલે તેમાં ચણાનો લોટ ઉમેરીને બરાબર મિક્સ કરી ધીમા તાપે સતત હલાવતા રહો.

હવે તેમાં અધકચરા કરેલા આખા ધાણા વરીયાળી અને લાલ મરચાનો પાવડર ઉમેરી ફરી ૨ થી ૩ મિનિટ માટે શેકી લો. મિશ્રણ એકદમ ગુરુ પાડવા આવે એટલે તેમાં કચરા કરેલા તજ, લવીંગ અને મરીનો ભૂકો, મીઠું અને આમચૂર પાઉડર ઉમેરી બરાબર મિક્સ કરી લો.

હવે આ મિશ્રણ ઠંડું પડે એટલે તેમાંથી એક સરખા ગોળા કરી લો.

મેંદાની કણક ને પાંચ મિનિટ બરાબર મસળી લો. પછી તેમાંથી મોટા લૂઆ તૈયાર કરો. હવે હાથેથી ટીપી ને લુવાને મોટો કરી તેમાં વચ્ચે સ્ટફિંગ મૂકો. હવે જ્યારે તરફથી તને કવર કરી લો અને ઉપરથી વધારાનો લોટ કાઢી લો.

ફોટા માં બતાવ્યા પ્રમાણે હાથેથી હળવા હાથે કચોરીને પ્રેસ કરતા જઇને શેપ આપતા જાવ.

મધ્યમ ગરમ તેલમાં આ કચોરી ને સાચવીને તેલ માં મૂકી દો. 3 થી 4 મિનીટ માં આખી ફૂલી જશે પછી હળવા હાથે ઝારાની મદદથી તેને ફેરવી આ કચોરી ને ધીમા થી મધ્યમ તાપે જ કરવાની છે. જેથી તેનું પડ એકદમ સરસ ક્રિસ્પી થશે, બહાર મળતી સલવાઈ જેવી જ સરસ કચોરી તૈયાર થશે. આ રીતે કચોરી તરતાં એક વખત ની કચોરી થતાં દસ થી બાર મિનિટ થાય છે.

તૈયાર કચોરીમાં વચ્ચે કાણું પાડીને તેમાં મીઠી ચટણી, તીખી ચટણી અને ઉપરથી દહીં, ચાટ મસાલો, સેવ તથા કોથમીર ભભરાવીને સર્વ કરો.
તૈયાર છે સર્વ કરવા માટે રાજસ્થાની પ્રખ્યાત એવી મગની દાળની કચોરી.